🌄 Merkredo, la 30-a de novembro 2022
Internacia Tago por rememori ĉiujn viktimojn de kemia militado 🇺🇳
Tvitero:
💚 eonomoj.blogspot.com
30.11.22
Komuna buteo 07
Komuna buteo ( Buteo buteo ) Ordinara buteo
La Komuna buteo ( Buteo buteo ) estas mezgranda al granda rabobirdo de la familio de Akcipitredoj, kies teritorioj kovras plej de Eŭropo kaj etendas al Azio. - La buteoj estas facile rekoneblaj dumfluge pro larĝaj flugiloj, granda rondoforma vosto kaj tre mallonga kolo; vidataj desube rimarkindas kontrasto inter malhelbrunaj korpo kaj akzelaj plumoj, blankaj vosto kaj flugilplumoj kaj nigraj bordoj. Tamen dum ripozo plenkreskuloj montras diversan plumaron: blanko en subaj partoj ne estas sama en ĉiu individuo sed en Vilkrura buteo estas multe pli blanka. Krome la plej grizbruna vosto kun strietoj kaj fina strio diferencigas sufiĉe. - Vikipedio 2022
Nomfontoj:
Fotfonto:
Tvitero:
Komuna buteo 🌍🌏 #Eŭraziajbirdoj #Eŭropajbirdoj #Aziajbirdoj #Afrikajbirdoj | #Esperanto #birdnomoj #birdoj
29/11/22
🌄 Mardo, la 29-a de novembro 2022
Internacia Tago de solidareco kun la palestina popolo 🇺🇳🇵🇸
Tvitero:
Duonkoluma alciono 01
Duonkoluma alciono ( Alcedo semitorquata )
La Duonkoluma alciono ( Alcedo semitorquata ) estas alciono de la subfamilio de Alcedinedoj kiu troviĝas en suda kaj orienta Afriko. Ĝi manĝas preskaŭ ekskluzive fiŝojn kaj frekventas riveretojn, riverojn kaj pli grandajn akvoareojn. - La duonkoluma alciono estas mezgranda alciono. - Ĝi havas bluajn suprajn partojn, blankan gorĝon kaj pale oranĝajn subajn partojn. La kapo havas alternajn helbluajn kaj malhelbluajn striojn kurantajn tra la krono kaj ĉiu flanko de la kolo havas kremblankan strion. La malhelbluaj makuloj ambaŭflanke de la kolo formas duonkolumon. La kruroj kaj piedoj estas ruĝaj. La seksoj estas tre similaj sed la beko de la masklo [ bildigita ] estas tute nigra dum la ino havas iom da ruĝeco ĉe la bazo de la malsupra mandiblo. - Vikipedio ( En ) 2022
Nomfonto:
Fotfonto:
Tvitero:
Duonkoluma alciono 🌍 #Afrikajbirdoj | #Esperanto #birdnomoj #birdoj
Ruĝaflugila agelajo 03
Ruĝaflugila agelajo ( Agelaius phoeniceus )
La Ruĝaflugila agelajo ( Agelaius phoeniceus ) estas specio de birdo de la familio de Ikteredoj kaj genro de Agelajoj .. - Ĝi troviĝas en plejparto de Nordameriko kaj multe de Centrameriko. Ili reproduktiĝas el Alasko kaj Novlando suden al Florido, Golfo de Meksikio, Meksiko kaj Gvatemalo, kun izolaj populacioj en okcidenta Salvadoro, nordokcidenta Honduro kaj nordokcidenta Kostariko. - La komuna nomo de la Ruĝaflugila agelajo devenas el ĉefe nigra masklo [ bildigita ] kaj distingaj ruĝaj ŝultromakuloj kiuj videblas dum flugo aŭ memmontrado. Krome la masklo montras ankaŭ palflavan flugilstrion kiel suba bordo de la ruĝa makulo. - Vikipedio 2022
Nomfonto:
Fotfonto:
Tvitero:
Ruĝaflugila agelajo 🌎 #Nordamerikajbirdoj #Mezamerikajbirdoj #Karibajbirdoj | #Esperanto #birdnomoj #birdoj
28.11.22
Orienta turto 02
Orienta turto ( Streptopelia orientalis )
La Orienta turto ( Streptopelia orientalis ) estas eta turto, tio estas membro de la familio de birdoj Kolombedoj, kiu inkludas turtojn kaj kolombojn. - Temas pri orientazia specio kiu ĉeestas orientan Azion ekde Barato, okcidenta Ĉinio kaj centra Azio ĝis la maro. - Tiu eta palearktisa specio estas tre simila laŭ plumaro al sia eŭropa samgenrano, nome la Turto. Ĝi estas iomete pli granda ol tiu specio, ĉefe ĉe la subspecio orientalis, kiu estas ĉirkaŭ samgranda kiel la Turka turto. Ambaŭ turtoj estas rekonebla pro la sama bruna koloro ( ĉefe dorse tre markite de nigraj makuloj ), kaj la blankonigra strimakulo ambaŭflanke de sia kolo, dum la resto de supraj partoj estas ĝenerale blugriza, sed estas rozkolora nuanco .. en brusto kaj blanka ventro. Krome la flugilplumoj estas malpli brunoranĝaj ol ĉe la Turto kaj ĉe la Orienta turto estas pli malhelaj centroj. La okulringo estas rimarkinde ruĝoranĝa. - Vikipedio 2022
Nomfontoj:
Fotfonto:
Tvitero:
Orienta turto 🌏 #Aziajbirdoj | #Esperanto #birdnomoj #birdoj
Novholanda mielmanĝulo 03
Novholanda mielmanĝulo ( Phylidonyris novaehollandiae )
La Novholanda mielmanĝulo ( Phylidonyris novaehollandiae ) estas mielmanĝulo specio trovita ĉie en suda Aŭstralio. - La birdo estas proksimume 18 cm ( 7.1 in ) longa kaj estas plejparte nigra, kun blanka iriso, blankaj vizaĝtufoj kaj flavaj marĝenoj sur siaj flugilaj kaj vostoplumoj. - Seksoj estas similaj en aspekto kun la escepto ke inoj estas, averaĝe, iomete pli malgrandaj. Junaj Novholandaj mielmanĝantoj ( <1-jaraj ) havas similan koloriĝon sed havas grizajn okulojn kaj flavan gapon kaj 'buŝbarojn' proksime de la naroj. - Vikipedio ( En ) 2022
Nomfonto:
Fotfonto:
Tvitero:
Novholanda mielmanĝulo 🌏 #Aŭstraliajbirdoj | #Esperanto #birdnomoj #birdoj
Fajfardeo 02
Fajfardeo ( Syrigma sibilatrix )
La Fajfardeo ( Syrigma sibilatrix ) estas mezgranda, ofte surterema ardeo de Sudameriko. - Ili loĝas .. en dumsezone inundita savano, ofte en pli sekaj herbejaj situacioj ol ĉe aliaj ardeoj, sed ankaŭ en ampleksa vario de malfermaj inunditaj aŭ malsekigitaj terenoj. Ĉar ili ripozas en arboj, ili precize preferas regionojn kie malfermaj areoj miksiĝas kun arbareroj. Ĝi ne kontraŭas homajn habitatojn kiaj paŝtejoj kaj ŝoseflankoj, kaj ili ofte ripozas sur barilfostoj. - La krono kaj kresto ( separataj plumoj ĝis 4 cm longaj surnuke ) estas nigraj kaj la supraj flugilkovriloj estas cinamokoloraj; dum la krono kaj kresto estas ardezgriza kaj la supraj flugilkovriloj estas mielkoloraj ( aŭ "ĉamkoloraj" ) en fostersmithi. La beko estas rozkolora kun blua al viola ĉe bazo kaj fora triono nigra, la kruroj estas verdecaj kaj iom mallongaj, kaj estas rimarkinda granda areo de nuda blueca haŭto ĉirkaŭ la okulo. - Vikipedio 2022
Nomfonto:
Fotfonto:
Tvitero:
Fajfardeo 🌎 #Sudamerikajbirdoj | #Esperanto #birdnomoj #birdoj
26.11.22
Eŭropa abelmanĝulo 03
Eŭropa abelmanĝulo ( Merops apiaster ) Abelmanĝulo
La Eŭropa abelmanĝulo ( Merops apiaster ), aŭ simple Abelmanĝulo .. - .. reproduktiĝas en mezvarmaj regionoj ĉefe en la mediteraneaj landoj kaj Balkanio ( Iberio, Italio, Hungario, Grekio, ktp. ), kaj en partoj de norda Afriko kaj okcidenta Azio. Ĝi estas tre migranta, kaj vintras en tropika Afriko ( aŭ en Nordokcidenta Barato, suda Barato kaj Sri-Lanko ĉe la aziaj birdoj ). - Ĝi estas svelta, 27 ĝis 29 cm longa .. kaj havas brunan kapon, pli helbrunajn nukon kaj ŝultrojn, flavan dorson, verdan voston pli verda ĉepinte kaj kun pli longaj centraj vostoplumoj, bluajn bruston kaj ventron kaj flavegan gorĝon kun nigreca suba strio lima kun brusto. En la realo la nuanca ŝanĝo de la bruna kapo al la flava dorso estas brila, ora kaj belega al rigardo. Dumfluge videblas krome brunaj flugilkovriloj kaj bluaj flugilpintoj. La okulirizo estas ruĝa kun nigreca subvizaĝa makulo kaj blankeca frunto. - Vikipedio 2022
Nomfonto:
Fotfonto:
Tvitero:
Eŭropa abelmanĝulo 🌍 #Eŭraziajbirdoj #Eŭropajbirdoj #Aziajbirdoj #Afrikajbirdoj | #Esperanto #birdnomoj #birdoj
Griza kronogruo 06
Griza kronogruo ( Balearica regulorum )
La Griza kronogruo ( Balearica regulorum ) estas birdo de la familio Gruedoj. Ĝi troviĝas en seka savano en Afriko sude de Saharo, kvankam ĝi nestas en iom pli malsekaj vivejoj. - Ĝia korpa plumaro estas plejparte griza. La flugiloj ankaŭ estas blankaj, sed havas plumojn kun vico de koloroj. La kapo havas kronon de rigidaj oraj plumoj. La flankoj de la vizaĝo estas blankaj, kaj ekzistas helruĝa plenblovebla gorĝosaketo. La gamboj estas nigraj. La virseksaj kaj inseksaj kronogruoj estas similaj, kvankam virseksuloj tendencas esti iomete pli grandaj. - Vikipedio 2022
Nomfonto:
Fotfonto:
Tvitero:
Griza kronogruo 🌍 #Afrikajbirdoj | #Esperanto #birdnomoj #birdoj
25/11/22
🌄 Vendredo, la 25-a de novembro 2022
Internacia Tago por la kontraŭbatalo de perforto kontraŭ virinoj 🇺🇳♀️
Tvitero:
💚 eonomoj.blogspot.com
Montezuma psarokolio 01
Montezuma psarokolio ( Psarocolius montezuma )
La Montezuma psarokolio ( Psarocolius montezuma ) estas specio de birdo de la familio de Ikteredoj kaj genro de Psarokolioj, kiu enhavas grandajn brunecajn paserinajn birdojn kun rimarkindaj bekoj. Ĝi troviĝas kiel specio de loĝantaj birdoj en marbordaj malaltaj teroj de Karibio el sudorienta Meksiko al centra Panamo. - Masklaj plenkreskuloj estas ĉefe malhelbrunaj ( supraj kaj subaj partoj kun pli malhelaj flugilplumoj kaj centraj vostoplumoj ) kun nigrecaj kapo, kolareo, supra brusto kaj pugo, kaj vosto kiu estas brilflava krom la du malhelaj centraj vostoplumoj. Estas nuda blueca vangomakulo kaj subaj rozkolorecaj bridoj, la irisoj estas brunaj, kaj la longa beko estas nigra baze kun ruĝa pinto. Inoj estas similaj, sed pli malgrandaj ol maskloj kun pli malgrandaj bridoj. - Vikipedio 2022
Nomfonto:
Fotfonto:
Tvitero:
Montezuma psarokolio 🌎 #Mezamerikajbirdoj #Nordamerikajbirdoj | #Esperanto #birdnomoj #birdoj
Ruĝeca arbopigo 03
Ruĝeca arbopigo ( Dendrocitta vagabunda )
La Ruĝeca arbopigo ( Dendrocitta vagabunda ) estas birdo de la aziaj arbopigoj, mezgranda membro de la familio de Korvedoj .. - La teritorio de tiu specio estas tre granda, el Barato supre al Himalajo, kaj sudorienten kiel larĝa strio al Birmo, Laoso kaj Tajlando in malferma arbaro de arbustoj, plantejoj kaj ĝardenoj. - Ĝi estas iom pli malgranda ol la Eŭropa pigo ( Pica pica ) kaj havas pli mallongajn kaj rondoformajn flugilojn kaj proporcie pli longan voston. La beko estas pli mallonga kaj dika kaj iomete subenkurba, kaj la gamboj estas pli mallongaj. La kapo, kolo kaj brusto estas tre ardezgrizaj kaj foje iom brunecaj. La subaj partoj kaj la dorso estas ruĝoranĝaj ( ĉefe sube ) aŭ ruĝecbrunaj ( ĉefe supre ) kun blankaj flugiljkovriloj kaj nigraj unuarangaj flugilplumoj, kiuj videblas ripoze kiel rimarkinda flanka blanka strio super nigra fono. La vosto estas helblugrizeca kun dika nigra fina strio. La beko, gamboj kaj piedoj estas nigraj. - Vikipedio 2022
Nomfonto:
Fotfonto:
Tvitero:
Ruĝeca arbopigo 🌏 #Aziajbirdoj | #Esperanto #birdnomoj #birdoj
24.11.22
Flama rubekolo 02
Flama rubekolo ( Petroica phoenicea )
La Flama rubekolo ( Petroica phoenicea ) estas malgranda paserina birdo indiĝena de Aŭstralio. Ĝi estas modere ofta loĝanto de la plej malvarmetaj partoj de sudorienta Aŭstralio, inkluzive de Tasmanio. - [ Ĝi ] .. havas malhelbrunaj okulojn kaj malgrandan maldikan nigran bekon. La masklo [ bildigita ] havas brile oranĝruĝajn bruston kaj gorĝon, kaj blankan makulon sur la frunto super la beko. Ĝiaj supraj partoj estas fergrizaj kun blankaj strioj, kaj ĝia vosto nigra kun blankaj pintoj. Ina kolorigo estas silenta grizbruna. Ĝia kanto estis priskribita kiel la plej muzika el sia genro. - Vikipedio ( En ) 2022
Nomfontoj:
Fotfonto:
Tvitero:
Flama rubekolo 🌏 #Aŭstraliajbirdoj | #Esperanto #birdnomoj #birdoj
Blua garolo 07
Blua garolo ( Cyanocitta cristata )
La Blua garolo ( Cyanocitta cristata ) estas paserina birdo, membro de la familio de Korvedoj indiĝenaj de Nordameriko. - [ Ĝi ] .. loĝas el suda Kanado tra orienta kaj centra Usono suden al Florido kaj nordorienta Teksaso. La okcidenta bordo de la teritorio haltas kie komencas la arida pinarbaro kaj la makisa habitato de la tre prokisma rilata Stelera garolo ( C. stelleri ). - [ Ĝi havas ] .. tre markita kresto kape, sed ne tiom markita kiom ĉe la Pigogaroloj, tio estas krono de plumoj, kiuj povas esti levataj aŭ mallevataj laŭ la birda bonfarto. Kiam estas ekscitita aŭ agreseca, la kresto povas leviĝi. Kiam la birdo estas timigita, la kresto hirtiĝas foren, kiel broŝo. Kiam la birdo manĝas inter aliaj garoloj aŭ ripozas, la kresto estas ebena sur la kapo. - Vikipedio 2022
Nomfonto:
Fotfonto:
Tvitero:
Blua garolo 🌎 #Nordamerikajbirdoj | #Esperanto #birdnomoj #birdoj
Nigra paruo 03
Nigra paruo ( Periparus ater )
Nigra paruo ( Parus ater sed nun Periparus ater ) estas paseroforma birdo de la familio Paruedoj .. - [ Ĝi ] .. estas disvastiganta kaj komuna birdo, precipe loĝanta, tio estas, plej parto de birdoj ne migras. Ili vivas en nordokcidenta Afriko, Eŭropo kaj okcidenta Azio ( Turkio, Sirio ). - [ Ĝi ] .. havas distingan grandan blankan makulon en la nuko ( plej karaktera eco de la specio ) tre kontrasta kun la nigra kapo, kio nomigas la specion, kune kun la malhelgriza dorso kun iom da malhelverda nuanco. La kapo, gorĝo kaj kolo de plenkreskuloj estas brile nigraj, kontraste kun la blanko de la nuko kaj de la vizaĝo; la blankaj pintoj de la flugilkovriloj montras duoblan blankan flugilstrion, kiu diferencigas la specion disde la Blua paruo kaj la Granda paruo, kiuj havas ununuran flugilstrion. La subaj partoj estas blankaj nuance al okro aŭ ruĝeco ĉe la flankoj. La beko estas nigra, la gamboj grizecaj kaj la irisoj malhelbrunaj. - Vikipedio 2022
Nomfontoj:
Fotfonto:
Tvitero:
Nigra paruo 🌍🌏 #Eŭraziajbirdoj #Eŭropajbirdoj #Aziajbirdoj #Afrikajbirdoj | #Esperanto #birdnomoj #birdoj
23.11.22
Afrika maraglo 03
Afrika maraglo ( Haliaeetus vocifer )
La Afrika maraglo ( Haliaeetus vocifer ), aŭ Afrika fiŝaglo .. estas granda aglo kaj rabobirdo de la familio Akcipitredoj .. - [ Ĝi ] .. troviĝas nur en subsahara Afriko kaj ĉefe sude kaj oriente kie estas grandaj akvejoj kun abunda manĝofonto. - Ili estas klare diferenceblaj per sia plejparte bruna korpo kaj grandaj fortikaj nigraj flugiloj. La kapo, brusto, komenco de dorso kaj vosto estas blankegaj kun nura escepto de la flava senpluma vizaĝo. La hokega beko estas flava en antaŭa duono kaj griza aŭ malhelgriza en pinta duono. - Vikipedio 2022
Nomfonto:
Fotofonto:
Tvitero:
Afrika maraglo 🌍 #Afrikajbirdoj | #Esperanto #birdnomoj #birdoj
22.11.22
Amerika hematopo 01
Amerika hematopo ( Haematopus palliatus )
La Amerika hematopo ( Haematopus palliatus ) estas birda specio membro de la familio de Hematopedoj en ordo de Ĥaradrioformaj. - Ĝi .. troviĝas en la Atlantika marbordo ekde Novanglio en Usono ĝis Patagonio sude kaj en la Pacifika marbordo ekde Kalifornio ĝis suda Ĉilio. - Tiu birdo estas markita de sia nigroblanka korpo kaj longa maldika ruĝoranĝa beko. Tiu vadbirdo estas ĉirkaŭ 42 - 52 cm longa. Ili estas markitaj de nigroblanka plumaro, flavaj okuloj -kun ruĝoranĝkolora ringo-, rozkoloraj kruroj kaj ruĝa beko -iom oranĝokolora-. Pli specife ili havas nigrajn kapon, kolon, bruston, pli grizan aŭ brunan dorson kaj blankajn subajn partojn kaj flankajn partojn inter brusto kaj dorso. Dumfluge estas videblaj nigraj partoj, nigraj flugiloj kun blanka meza strio. De sube videblas klare nigre kapo kaj kolo, ruĝege beko kaj okuloj kaj la tuta suba parto blankege. - Vikipedio 2022
Nomfonto:
Fotfonto:
Tvitero:
Amerika hematopo 🌎 #Amerikajbirdoj #Nordamerikajbirdoj #Mezamerikajbirdoj #Sudamerikajbirdoj | #Esperanto #birdnomoj #birdoj
Kresta minao 01
Kresta minao ( Acridotheres cristatellus ) Krestominao, Kresta akridotero
La Kresta akridotero aŭ Krestominao [ Kresta minao ] ( Acridotheres cristatellus ) estas specio de sturno de la familio de Sturnedoj kaj genro de Akridoteroj kiuj portas fruntajn krestojn. - Ĝi estas indiĝena de sudorienta Ĉinio kaj Hindoĉinio. - Malkiel aliaj similaj minaoj, ties beko estas pli blankeca ol flavoranĝa kun iom da rozkoloreco ĉebaze de suba makzelo. Same kiel la Granda akridotero temas pri tre nigra birdo kun tre fortikaj beko kaj flavoranĝaj kruroj. Rimarkinda karaktero estas kresto de plumoj kiuj malkombiĝas el la frunto, sed ne tiom unuopaj kaj izolitaj kiom ĉe la Granda akridotero, sed pli mallongaj kaj densaj. Ankaŭ la plumoj de la kapovertico kaj gorĝareo iom malkombiĝas. Krome estas blankaj flugilmakuloj kaj vostobordoj. La irisoj estas pli helaj ol ĉe la Granda akridotero, pli flavoranĝaj ol brunaj. - Vikipedio 2022
Nomfonto:
Fotfonto:
Tvitero:
Kresta minao 🌏 #Aziajbirdoj | #Esperanto #birdnomoj #birdoj
21.11.22
Verda katbirdo 01
Verda katbirdo (Ailuroedus crassirostris)
La Verda katbirdo ( Ailuroedus crassirostris ) estas specio de laŭbobirdo trovita en subtropikaj arbaroj laŭ la orienta marbordo de Aŭstralio, de sudorienta Kvinslando ĝis suda Novsudkimrio. - La birdoj troviĝas en subtropika kaj mezvarma pluvarbaro kaj paperŝeloj, kaj foje en apuda eŭkaliptarbaro. - Ili .. estas mezgrandaj fortikaj birdoj kun longaj, potencaj kruroj kaj longaj, dikaj bekoj. La dorso, flugiloj kaj pugo estas brile smeraldverdaj, kun tre rimarkindaj purblankaj makuloj ĉe la pintoj de la terciaroj kaj sekundaroj, kiuj, sur la pintoj de kovriloj, formas du blankajn flugil-stangojn. La vosto estas bruneta smeralda kun blankaj pintoj. La kapo estas verdetbruna makulita nigra kaj fajne makulita pala sablokolora. La brusto estas verdeta sablokolora al obtuza smeraldo kun karakterizaj mallongaj blankaj strioj. Masklaj kaj inaj birdoj dividas similan plumaron. - Vikipedio ( En ) 2022
Nomfontoj:
Fotfonto:
Tvitero:
Verda katbirdo 🌏 #Aŭstraliajbirdoj | #Esperanto #birdnomoj #birdoj
Stelera garolo 01
Stelera garolo ( Cyanocitta stelleri )
La Stelera garolo ( Cyanocitta stelleri ) estas garolo, tio estas birdo de la familio de Korvedoj kaj ordo de Paseroformaj, indiĝena de okcidenta Nordameriko .. - Ĝi loĝas ĉe la tuta okcidenta flanko de Nordameriko el Alasko norde al Centrameriko sude kaj oriente ĝis sudokcidenta Teksaso .. - ..en arbaro de koniferoj kaj miksita, sed ne en komplete densaj arbaroj, kaj postulas malferman spacon. - Ĝi .. montras grandan gamon de regiona variado tra sia teritorio. Birdoj kun nigrecbrunaj kapoj el nordo grade iĝas pli blukapajn sude. La Stelera garolo havas pli malgrandan bekon kaj pli longajn gambojn ol la Blua garolo kaj havas multe pli markitan kreston. La kapo estas nigrecbruna kun tre kontrastaj helbluaj strioj en la frunto. Tiu malhela koloro nuanciĝas el la ŝultroj al suba ventro al helbluo. - Resume oni povas konsideri ke temas pri tutblua birdo kun nigraj kapo kaj ĉirkaŭaj partoj. - Vikipedio 2022
Nomfonto:
Fotfonto:
Tvitero:
Stelera garolo 🌎 #Nordamerikajbirdoj #Mezamerikajbirdoj | #Esperanto #birdnomoj #birdoj
20.11.22
Ridmevo 07
Ridmevo ( Chroicocephalus ridibundus )
La Ridmevo ( Chroicocephalus ridibundus ) estas malgranda mevo, tio estas birdo de la familio de Laredoj kaj ordo de Karadrioformaj. - Ĝi reproduktiĝas en plej granda parto de Eŭropo -el Islando kaj Britaj Insuloj, suda Skandinavio ĝis centra kaj orienta Eŭropo, escepte la plej norda- kaj Azio ĝis orienta Siberio, kaj ankaŭ en marborda orienta Kanado. - Ĝi estas tre simila al la Nigrakapa mevo, tio estas, ĝi havas malhelan kapon, grizajn dorson kaj flugilojn, blankajn kolon, bruston, ventron kaj voston, tre ruĝajn bekon kaj krurojn kaj la okuloj havas okulan ruĝan mallarĝan ringon, sed pli rimarkindajn blankajn duonringojn tre kontrastajn kun la nigra kapo, sed tiu ĉi specio estas iome pli malgranda. En bekopinto estas nigra makuleto. - Vikipedio 2022
Nomfonto:
Fotfonto:
Tvitero:
Ridmevo 🌍🌏🌎 #Eŭraziajbirdoj #Eŭropajbirdoj #Aziajbirdoj #Afrikajbirdoj #Nordamerikajbirdoj | #Esperanto #birdnomoj #birdoj
Kresta barbulo 01
Kresta barbulo ( Trachyphonus vaillantii )
La Kresta barbulo ( Trachyphonus vaillantii ) .. estas subsahara birdo de la familio de Libiedoj. - Ĝi troviĝas en arbaroj, savano, antaŭurbaj ĝardenoj, arbaraj densejoj kaj akvofluoj .. - Kun sia dika beko kaj tre bunta plumaro la kresta barbeto estas nekonfuzebla. Ĉi tiu birdeto havas makulitan flavan kaj ruĝan vizaĝon kun malgranda nigra. kresto. La ventro estas flava kun ruĝaj makuletoj, flugiloj estas nigraj kun blankaj makuletoj kaj ĝi havas larĝan nigran zonon sur sia kolo. Flavaj kapo kaj korpo kun nigraj kaj blankaj plumoj, ruĝaj markoj ĉe korpofino, ĝia koloro bone miksiĝas en la korpo. arbusto. Ili havas klaran trilon. - Vikipedio ( En ) 2022
Nomfontoj:
Fotfonto:
Tvitero:
Kresta barbulo 🌍 #Afrikajbirdoj | #Esperanto #birdnomoj #birdoj
19.11.22
Blugorĝa tukaneto 01
Blugorĝa tukaneto ( Aulacorhynchus caeruleogularis )
La Blugorĝa tukaneto ( Aulacorhynchus caeruleogularis ) estas mezgranda kaj kolora birdo el la familio de la Ramfastedoj kaj ordo de Pegoformaj .. - Ĝi .. loĝas en humidaj montarbaroj de Kostariko kaj okcidenta Panamo. Ties natura altituda teritorio estas el 762 m al 2316 m super la marnivelo. - Kiel ĉe ĉiu tukano, la Blugorĝa tukaneto havas grandan longan bekon, kiu estas ĉikaze nigra kun flavo en supra makzelo kaj blanka strio ĉe bazo, sed, unike inter la grupo de la Smeraldotukano, kun ruĝeca makulo ĉe la bazo de la supra makzelo. La brusto kaj la resto de la korpo estas ĉefe verda kun helaj kaj malhelaj nuancoj, escepte ĉe la gorĝo, kiu estas blua, kaj la vostopinto kaj pugo, kiuj estas ruĝecaj. - Vikipedio 2022
Nomfonto:
Fotfonto:
Tvitero:
Blugorĝa tukaneto 🌎 #Mezamerikajbirdoj | #Esperanto #birdnomoj #birdoj
Sunda forkovostulo 01
Sunda forkovostulo ( Enicurus velatus )
La Sunda forkovostulo ( Enicurus velatus ) estas specio de birdo de la familio de Muŝkaptuledoj kaj genro de Forkovostuloj .. - Tiu ĉi specio estas endemia de Indonezio, kio nomigas la specion. Ties natura habitato estas subtropikaj aŭ tropikaj humidaj arbaroj de malaltaj teroj kaj montarbaroj. - Ĝi .. estas birdo de nigraj supraj partoj, sed ne tiom nigraj kaj nek tiom etendaj kiom ĉe la Malgranda forkovostulo, ĉar estas pli griza kaj la brusto estas blanka. Ankaŭ la blanka frunto ne estas tiom etenda kaj estas pli suba, tiel ke ĝi inkludas la nigrajn okulojn. La subaj partoj estas blankaj, sed kun grizaj punktoj en flankoj de brusto. Estas blankaj la pugo kaj la fina bordo de la vostoplumoj kiuj estas laŭgradaj. La beko estas nigra kaj la kruroj helrozkoloraj. - Vikipedio 2022
Nomfonto:
Fotfonto:
Tvitero:
Sunda forkovostulo 🌏 #Indoneziajbirdoj #Aziajbirdoj | #Esperanto #birdnomoj #birdoj
18.11.22
Keo 01
Keo ( Nestor notabilis )
Keo ( maorie Kea, keao ) estas specio de Aotearoaj papagoj. La maoria nomo devenas de kea birdokanto. Latinlingve keo nomiĝas Nestor notabilis .. - Keoj loĝas en montetoj kaj arbaroj de Suda Insulo. Ili estas unu el la dek endemiaj Novzelandaj papagoj. - La keo havas areon el malsupro de rivervaloj kaj marbordaj arbaroj de la okcidento de la Suda Insulo ĝis la alpaj regionoj de la Suda Insulo .. - Ili aspektas sufiĉe grandaj ( ĉ. 46 cm je alto ) papagoj kun verdecaj aŭ griz-verdaj plumoj, blu-verda vosto, kaj grizaj beko kaj piedoj. La plumoj sub iliaj flugiloj ofte estas ruĝoranĝaj. Junuloj havas flavajn okulringojn kaj vaksaĵojn, oranĝ-flavan malsupran bekon kaj griz-flavajn krurojn. - Vikipedio 2022
Nomfonto:
Fotfonto:
Tvitero:
Keo 🌏 #Novzelandajbirdoj #Aŭstralaziajbirdoj #Polineziajbirdoj | #Esperanto #birdnomoj #birdoj
Nigrakapa dikbekulo 01
Nigrakapa dikbekulo ( Pheucticus melanocephalus )
La Nigrakapa dikbekulo ( Pheucticus melanocephalus ) estas mezgranda, semmanĝanta birdo de la familio de Kardinaledoj. - Ĝi .. estas migranta birdo, kun nestolokoj el sudokcidenta Brita Kolumbio, tra la okcidenta duono de Usono, en centran Meksikon. - Laŭ ĝia nomo, la masklo [ bildigita ] havas nigran kapon, kaj nigrajn flugilojn kaj voston kun elstaraj blankaj makuloj. Ĝia brusto estas malhela ĝis brune oranĝa en koloro, kaj ĝia ventro estas flava. - Vikipedio ( En ) 2022
Nomfonto:
Fotfonto:
Tvitero:
Nigrakapa dikbekulo 🌎 #Nordamerikajbirdoj | #Esperanto #birdnomoj #birdoj
17.11.22
Orverta regolo 03
Orverta regolo ( Regulus regulus )
La Orverta regolo ( Regulus regulus ) estas tre eta paseroforma birdo. Ĝi estas membro de la familio de regoledoj, kies scienca nomo Regulidae devenas el la latina vorto regulus aŭ "eta reĝo" aŭ princo, kaj derivas el la koloraj kronoj de plenkreskuloj. - Ĝi loĝas el Britaj insuloj, en Skandinavio kaj centra kaj orienta Eŭropo, tra nordokcidenta Rusio al orienta Ĉinio, Siberio, sur Kaŭkazo, insulo Saĥaleno, Kuriloj kaj Japanaj Insuloj. - Subo de kapo kun laŭlonga flava strio, meze oranĝa, je flankoj nigre limigita. Flankoj de kapo grizaj kun malhela okulringo. Supre korpo estas flavece verda, pugo pli flava. Brusto malpure grizflave bruna. Ventro grizblua. Sur flugiloj du blanketaj strietoj. - La birdo havas mallongan akran bekon, kiu estas nigre-griza. Ĝiaj piedoj brunaj. - Vikipedio 2022
Nomfontoj:
Fotfonto:
Tvitero:
Orverta regolo 🌍🌏 #Eŭraziajbirdoj #Eŭropajbirdoj #Aziajbirdoj | #Esperanto #birdnomoj #birdoj
16.11.22
Armita vanelo 02
Armita vanelo ( Vanellus armatus )
La Armita vanelo ( Vanellus armatus ) estas birdo de la genro Vanellus, grupo de mezgrandaj vadbirdoj de la familio de ĥaradriedoj. La angla nomo “Blacksmith” aŭ “Forĝisto” devenas el la ripetata metalika alarmalvoko 'tink, tink, tink'. - Ĝi estas komuna specio ekde Kenjo, tra centra Tanzanio kaj Kongo ĝis suda kaj sudokcidenta Afriko. - Ĝi loĝas ĉe malsekaj zonoj. Tiele lagaj regionoj ĉu pro pluvo ĉu pro homa agado allogas la specion. Ankaŭ herbejoj plaĉas al ili. - Ĝi havas .. nigra granda videbla antaŭa parto de kapo -escepte frunton-, gorĝo, brusto kaj supra ventro kaj ankaŭ makuloj en komenco de dorso -eta-, meza dorso -granda- kaj vostopinto. Estas blankaj la frunto -ĝis okulo-, malantaŭa kolo kaj ventro. Estas grizo la resto de la dorso. La beko estas nigra kaj la kruroj grizaj. Inoj estas averaĝe iom pli grandaj kaj pezaj sed ambaŭ seksoj estas similaspektaj. - Vikipedio 2022
Nomfontoj:
Fotfonto:
Tvitero:
Armita vanelo 🌍 #Afrikajbirdoj | #Esperanto #birdnomoj #birdoj
Ringanaso 01
Ringanaso ( Callonetta leucophrys )
La Ringanaso ( Callonetta leucophrys ) estas malgranda anaso de arbaroj de Sudameriko. - Ĝi .. reproduktiĝas en nordokcidenta Argentino kaj Paragvajo, loĝanta ankaŭ en orienta Bolivio, suda Brazilo kaj Urugvajo. Ties habitatoj estas tropikaj marĉaj arbaroj kaj klarejoj en arbaraj malaltaj teroj, izolaj lagetoj kaj malgrandaj rojoj. - La masklo [ bildigita ] havas tre helbrunan ( cinamokoloran ) flankan dorson, pli grize en centra dorso, palgrizajn flankojn ( fakte kun tre fajna grizblanka strieco se vidite de proksimege ) kaj salmokoloran bruston kun bela nigra makuleco. La kapo estas helgriza kun svaga strieco kaj tre markata nigra bendo el super la frunto tra la krono kaj ege markata al la nuko kaj kolflankoj, sub blanka kolumareo: tiu nigra ringo el la krono tra la nuko al kolflankoj nomigas la specion laŭ la komuna nomo. - Vikipedio 2022
Nomfonto:
Fotfonto:
Tvitero:
Ringanaso 🌎 #Sudamerikajbirdoj | #Esperanto #birdnomoj #birdoj
15.11.22
Blua fajfturdo 01
Blua fajfturdo ( Myophonus caeruleus )
La Blua fajfturdo ( Myophonus caeruleus ) estas fajfanta turdo kiu troviĝas en la montoj de Mezazio, Sudazio, Ĉinio kaj Sudorienta Azio. Ĝi estas konata pro sia laŭta homsimila fajfa kanto ĉe tagiĝo kaj krepusko.. Kiel aliaj en la genro, ili manĝas surgrunde, ofte laŭ riveretoj kaj en humidaj lokoj furaĝante por helikoj, kraboj, fruktoj kaj insektoj. - Ĝi .. estas malhelviola blua kun brila brilo sur la pintoj de la korpoplumoj krom sur la loreoj, abdomeno kaj sub la vosto. La flugilkovriloj estas iomete malsama nuanco de bluo kaj la mezaj kovriloj havas blankajn makulojn ĉe sia. pintoj. La beko estas flava kaj staras kontraste. La internaj retoj de la flugaj kaj vostoplumoj estas nigraj. La seksoj estas similaj laŭ plumaro. - Vikipedio (En) 2022
Nomfonto:
Fotfonto:
Tvitero:
Blua fajfturdo 🌏 #Aziajbirdoj | #Esperanto #birdnomoj #birdoj
Ridema kukabarao 05
Ridema kukabarao ( Dacelo novaeguineae )
La Ridema kukabarao ( Dacelo novaeguineae ) estas kutima karnovora birdo de Aŭstralio de la familio de Alcededoj aŭ de alciono, tre konataj pro sia alvoko. Iam konata kiel Ridema azeno, nuntempe estas pli konata laŭ la indiĝena nomo. - Ĝi troviĝas tra orienta Aŭstralio, kaj estis enmetita en la sudokcidenta angulo de Okcidenta Aŭstralio, Tasmanio kaj insuloj Flinders kaj Kanguruo - La Kukabarao estas fortika birdo ĉirkaŭ 45 cm longa, kun granda kapo, elstara bruna okulo, kaj tre granda beko, nigreca en supra makzelo kaj ostokolora en suba. La masklo kaj la ino aspektas same. Ili havas blankajn aŭ kremokolorajn korpon kaj kapon kun malhelbruna strio tra ĉiu okulo kaj pli nuance ĉefrunte kaj ĉekrone. La flugiloj kaj dorso estas malhelbrunaj kun ĉielbluaj punktomakuloj en ŝultroj. La vosto estas ruĝecoranĝa kun malhelbrunaj strioj kaj blankaj pintoj. - Vikipedio 2022
Nomfonto:
Fotfonto:
Tvitero:
Ridema kukabarao 🌏 #Aŭstraliajbirdoj | #Esperanto #birdnomoj #birdoj
14.11.22
Griza katbirdo 03
Griza katbirdo ( Dumetella carolinensis ) Katbirdo
La Katbirdo aŭ Griza katbirdo ( Dumetella carolinensis ) estas mezgranda paserina birdo de la familio de Mimedoj kiu troviĝas ĉefe en Nordameriko. Ĝi estas la ununura membro de la genro Dumetella. Kiel la Nigra katbirdo, ĝi estas inter la bazaj stirpoj de la Mimedoj. - Vikipedio 2021
Nomfontoj:
Fotfonto:
Tvitero:
Griza katbirdo 🌎 #Nordamerikajbirdoj #Mezamerikajbirdoj | #Esperanto #birdnomoj #birdoj
Paserstrigo 01
Paserstrigo ( Glaucidium passerinum )
La Paserstrigo ( Glaucidium passerinum ) estas la plej eta el la strigoj en Eŭropo ( pli malgranda ol sturno ); temas pri birdo de la familio de Strigedoj. Tiu strigo estas malhelruĝecaj al grizbrunaj, kun punktitaj flankoj kaj duonringo ĉirkaŭ la malantaŭa kolo. - Ĝi troviĝas en boreala arbaro de Norda kaj Centra Eŭropo al Siberio, kutime en bordoj de arbaraj maldensejoj. Ili troviĝas ĉefe en arbaroj de konifero de la boreala zono kaj tre altmontaraj regionoj kun koniferoj kaj miksitaj arbaroj. - Vikipedio 2022
Nomfonto:
Fotfonto:
Tvitero:
Paserstrigo 🌍🌏 #Eŭraziajbirdoj #Eŭropajbirdoj #Aziajbirdoj | #Esperanto #birdnomoj #birdoj
13.11.22
Purpurgorĝa sunbirdo 01
Purpurgorĝa sunbirdo ( Leptocoma sperata )
La Purpurgorĝa sunbirdo ( Leptocoma sperata ) estas specio de birdo de la familio de Nektarinedoj. Ĝiaj naturaj vivmedioj estas malaltebenaĵaj tropikaj arbaroj kaj subtropika aŭ tropika mangrovarbaro de Maratua kaj Filipinoj. - Vikipedio ( En ) 2022
Nomfonto:
Fotfonto:
Tvitero:
Purpurgorĝa sunbirdo 🌏 #Aziajbirdoj | #Esperanto #birdnomoj #birdoj
12.11.22
Strivizaĝa nigropego 01
Strivizaĝa nigropego ( Dryocopus lineatus ) Strivizaĝa driokopo
La Strivizaĝa nigropego aŭ Strivizaĝa driokopo (Dryocopus lineatus) estas tre granda birdo de la familio de pegedoj kaj genro de Driokopoj aŭ nigraj pegoj, kiu loĝas en Sudameriko. - Vikipedio 2022
Nomfonto:
Fotfonto:
Tvitero:
Strivizaĝa nigropego 🌎 #Amerikajbirdoj #Sudamerikajbirdoj #Mezamerikajbirdoj #Nordamerikajbirdoj | #Esperanto #birdnomoj #birdoj
11.11.22
Aŭstralia tadorno 01
Aŭstralia tadorno, ino ( Tadorna tadornoides )
La Aŭstralia tadorno ( Tadorna tadornoides ) estas tadorno, tio estas membro de grupo de grandaj anserecaj birdoj kiuj estas parto de la birda familio de Anasedoj, kiu enhavas ankaŭ la cignojn, la anserojn kaj la anasojn. - Vikipedio 2021
Nomfonto:
Fotfonto:
Tvitero:
Aŭstralia tadorno 🌏 #Aŭstraliajbirdoj | #Esperanto #birdnomoj #birdoj
Subscribe to:
Posts (Atom)
-
Nuntempe mi faras paŭzon de la blogo. Bonvolu vidi piedon de paĝo por pliaj informoj • I'm currently taking a break from the blog. Ple...
-
🗓️ Ĵaŭdo, la 02-a de februaro 2023 Monda Tago de Malsekejoj 🏞️ Tvitero: https://twitter.com/LaTagoHodiaux/status/1620924245013598214? 💚...
-
Amerika reao ( Rhea americana ) - Nanduo - Amerika nanduo Nomfonto: https://eo.wikipedia.org/wiki/Amerika_reao Fotfonto: https://pixabay.co...